ABŞ Prezidenti Donald Trump sosial media hesabında paylaşım edərək, İranla danışıqların aparıldığını və bu çərçivədə hərbi əməliyyatların müvəqqəti dayandırılması barədə qərar verdiyini açıqlayıb.
Çağdaş.Az-ın xəbərinə görə, Trump bildirib ki, son iki gün ərzində ABŞ və İran arasında Yaxın Şərqdəki qarşıdurmanın tam və qəti həllinə yönəlmiş “çox yaxşı və səmərəli” görüşlər keçirilib.
ABŞ prezidenti paylaşımında qeyd edib:
“Bu dərin, əhatəli və konstruktiv danışıqların ruhuna əsaslanaraq, Müdafiə Nazirliyinə İrana məxsus enerji stansiyaları və enerji infrastrukturuna qarşı bütün hərbi hücumların, davam edən danışıqların uğurundan asılı olmaq şərti ilə, 5 gün müddətinə təxirə salınması barədə göstəriş verdim.”
Bu qərarın danışıqlar prosesinə imkan yaratmaq və gərginliyi azaltmaq məqsədi daşıdığı bildirilir.
