“Ermənistanda Rusiya sərhədçilərinin fəaliyyətinin qanunauyğundur”.
Çağdaş.Az xəbər verir ki, Ermənistan Milli Təhlükəsizlik Xidmətinin mətbuat xidmətindən verilən açıqlamada belə deyilir.
İyun ayının əvvəlində sosial mediada Rusiya sərhədçilərinin bir qrup vətəndaşa qarşı qanunsuz hərəkətlər etdiyi və onların Nrnadzor kəndinə (Zəngəzur vilayəti) girməsinə icazə vermədiyi barədə məlumatlar yayılmışdı.
“Facebook” sosial şəbəkəsində edilən paylaşımlarda Rusiya sərhədçilərinin 7 iyun parlament seçkiləri ərəfəsində bir qrup Avropa vətəndaşının və Ermənistan vətəndaşının kəndə girməsini qanunsuz olaraq qadağan etdiyi qeyd edilir. Kəndə girişin qadağan edilməsinin səbəbi yerli qeydiyyatın və ya icazə sənədinin olmaması göstərilir.
MTX-nin açıqlamasına görə, Ermənistan hökumətinin 12 may 2011-ci il tarixli 735-N nömrəli qərarına əsasən, vətəndaşların və nəqliyyat vasitələrinin sərhəd zonalarına girişi şəxsiyyəti təsdiq edən sənədlər olduqda şəxsi və ya qrup buraxılışları əsasında həyata keçirilir. Milli Təhlükəsizlik Xidməti qeyd edib ki, həmin qərar buraxılış və icazələrin verilməsi prosedurunu müəyyən edir./Cebheinfo.az/
