İşğal altındakı Krım yarımadasında yanacaq qiymətləri ilə bağlı yayılan fotoşəkillər sosial şəbəkələrdə geniş müzakirələrə səbəb olub.
Çağdaş.Az xəbər verir ki, yarımadanın cənub sahillərindəki yanacaqdoldurma məntəqələrindən birində benzinin bir litrinin 450 rubla satıldığı iddia edilir.
Sosial şəbəkədə paylaşılan qəbzə görə, yerli sakin cəmi 43,8 litr yanacaq almaq üçün təxminən 20 min rubl (dəqiq desək, 19 710 rubl) ödəyib. Bu rəqəmlər yanacağın bir litrinin qiymətinin 450 rubla çatdığını göstərir.
Bu qiymət artımı yerli əhali arasında ciddi narazılığa və bahalaşma ilə bağlı narahatlıqlara yol açıb. Rəsmi qurumlar hələlik hadisə ilə bağlı heç bir açıqlama verməyib.
