Kremlin sözçüsü Dmitri Peskov bildirib ki, Rusiya Avropanın hərbiləşmə və Moskva ilə qarşıdurma siyasətini görməməzlikdən gələ bilməz.
Çağdaş.Az xəbər verir ki, Peskov jurnalistlərə açıqlamasında deyib ki, Avropada Rusiya ilə gərginliyin artırılması istiqamətində açıq tendensiya müşahidə olunur.
“Aydındır ki, Avropa İttifaqı öz müdafiə kimliyini formalaşdırdıqca hərbiləşmə yolunu seçib və Rusiya ilə qarşıdurma kursuna sadiq qalır. Əlbəttə ki, biz bunu görməməzlikdən gələ bilmərik”, – deyə Kreml sözçüsü vurğulayıb.
Peskovun sözlərinə görə, Avropa ölkələrinin təhlükəsizlik və müdafiə sahəsində atdığı addımlar Moskvanın diqqətlə izlədiyi məsələlərdən biridir və Rusiya bu prosesləri nəzərə almağa məcburdur.
