Kuba xarici işlər naziri ABŞ-ın hücumunun humanitar fəlakətə səbəb olacağını bildirib
Çağdaş.Az-ın məlumatına görə, Bruno Rodriqez Parrilla vurğulayıb ki, “ABŞ kimi supergücün kiçik bir adaya hərbi hücum etməsi üçün heç bir səbəb və ya ən kiçik bir bəhanə yoxdur”.
Karib dənizi ölkəsinin xarici işlər naziri Bruno Rodrigez Parrilla bildirib ki, ABŞ-ın Kubaya hücumu humanitar fəlakətə səbəb olacaq və bunun üçün ən kiçik bir səbəb yoxdur.
O, “X” sosial hesabındakı paylaşımında yazıb: “ABŞ-ın Kubaya hərbi hücumu əsl humanitar fəlakətə, qan tökülməsinə səbəb olacaq. Kuba və Amerika vətəndaşları öldürüləcək və yalnız uşaqlarını və ailələrini müharibəyə göndərməyən siyasətçilər belə bir ssenarini həyata keçirməyə cəsarət edəcəklər”.
ABŞ prezidenti Donald Tramp dəfələrlə Kubaya mümkün müdaxilədən bəhs edib. Havana da öz növbəsində ölkənin suverenliyini qorumaq əzmini vurğulayıb.
