Macarıstanın xarici işlər və ticarət naziri bildirib ki, Ukrayna silahlı qüvvələri Qara dənizdə tankerlərə zərbələr endirib.
Cagdas.az-ın TASS xəbər agentliyinə istinadən verdiyi xəbərə görə, Macarıstan Ukraynadan Rusiyanın mülki enerji infrastruktur obyektlərinə və dəniz tankerlərinə endirilən zərbələri dərhal dayandırmağı tələb edir, deyə Xarici İşlər və Ticarət naziri Peter Siyarto jurnalistlərə bildirib.
“Son günlərdə ukraynalılar Macarıstana tədarük üçün istifadə edilən neft nəqli marşrutlarına, nasos stansiyalarına və digər infrastrukturlara dəfələrlə hücum ediblər”, – Siyarto M1 televiziyasının yayımladığı mətbuat konfransında deyib.
Nazir qeyd edib ki, Ukrayna silahlı qüvvələri Qara dənizdə tankerlərə zərbələr endirib.
“Bütün bunlar onların mülki obyektlərə hücum etməsi deməkdir”, – Siyarto vurğulayıb.
Biz ukraynalıları Macarıstanın enerji təhlükəsizliyini dərhal təhdid etməyi dayandırmağa çağırırıq”, – deyə o əlavə edib.
