Bolqarıstanın ÇSKA klubu məşhur italyan yarımmüdafiəçi Stefano Sensi ilə müqavilə imzalayacaq.
Cagdas.az xəbər verir ki, bu barədə insayder Fabritsio Romano məlumat verib.
Sensi 2025-ci ildən Kiprdə “Anortosis”də oynayır. 30 yaşlı italiyalı futbolçunun Kipr klubu ilə müqaviləsi 2027-ci ilin may ayının sonuna qədərdir.
CSKA Sensini 200.000 avroya almaq üçün seçimini aktivləşdirib. Futbolçunun özü artıq Bolqarıstan klubuna keçməyə razılıq verib.
Sensi daha çox 2016-2019-cu illərdə “Sassuolo” və 2019-2024-cü illərdə “İnter”də oynadığı vaxtlarla tanınır. O, həmçinin “Çezena”, “San Marino”, “Sampdoriya” və “Monza” kimi klublarda da oynayıb. İtaliya millisində doqquz oyunda üç qol vurub.
Qeyd edək ki, CSKA Avropa Liqasının II təsnifat mərhələsində “Qarabağ”ın potensial rəqibidir.(referans media)
