Sakarya Universitetinin dosenti Mehmet Saydam bildirib ki, yeni nəsil cinayətkar qruplar uşaqlara çatmaq üçün sosial şəbəkələrdən və onlayn oyun platformalarından istifadə edir. Saydam yaşa görə cəza endirimlərinin bu qruplar tərəfindən təbliğat alətinə çevrildiyini vurğulayaraq ailələri və məsul qurumları xəbərdar edib.
Cagdas.Az-ın xəbər verir ki, “Türkiye” qəzetində yer alan xəbərə görə, Saydam qeyd edib ki, cinayətkar şəbəkələr Türk Cinayət Məcəlləsində yaş qruplarına görə nəzərdə tutulan cəza endirimlərini manipulyasiya edir. O, “Cəmiyyətdə formalaşan cəzasızlıq alqısı mütləq aradan qaldırılmalıdır” deyib.
“Cəzasız qalacaqsınız” təbliğatı
Saydamın sözlərinə görə, cinayətkar qruplar uşaqları “Cəzasız qalacaqsınız, qısa müddətdə yenidən aramızda olacaqsınız” kimi vədlərlə aldadır.
Oyun platformaları “əlaqə və üzv toplama mərkəzi”nə çevrilir
Cinayət aləminin uşaqlara “gözəl və cazibədar” bir həyat vədi təqdim etdiyini deyən Saydam, onlayn oyun platformalarının getdikcə ünsiyyət və yeni üzvlərin cəlb edildiyi mərkəzlərə çevrildiyini bildirib. O, ailələrə çağırış edərək vurğulayıb: “Aktiv tədbirlər görülməlidir. Valideynlər ‘uşağım sadəcə oyun oynayır’ deyib məsələni ötüşdürməməlidir.”
“Hüquq-mühafizə orqanlarının imkanları daha fəal istifadə olunmalıdır”
Saydam qeyd edib ki, cinayətkar qruplar uşaqlarla müxtəlif mühitlərdə fiziki təmas da qura bilirlər və bu uşaqlar narkotik ticarəti, qətl, döymə, qarət kimi cinayətlərə sürüklənir. Onun fikrincə, “Bu texnologiya imkanlardan istifadə edən yeni cinayətkar qruplara qarşı xüsusilə hüquq-mühafizə orqanları – yəni dövlət mexanizmi – əlindəki imkanlardan daha fəal istifadə etməli, yeni üsullar hazırlamalı və bu yolla cinayətlərin qarşısını almalıdır.”
