Avropa Parlamentinin üzvü Maykl fon der Şulenburq bildirib ki, tərəflər arasında münasibətlərin davamlı şəkildə pisləşməsi heç bir müsbət nəticə verməyəcək.
Çağdaş.Az-ın məlumatına görə, O qeyd edib ki, qarşılıqlı etimadsızlıq və gərginliyin dərinləşməsi problemlərin həllinə deyil, əksinə, onların daha da mürəkkəbləşməsinə səbəb olur.
“Münasibətlərin qarşılıqlı şəkildə pisləşməsi spiralı heç bir nəticə verməyəcək”, – deyə Şulenburq vurğulayıb.
Şulenburqin fikrincə, mövcud böhranların aradan qaldırılması üçün dialoq və diplomatik təmasların bərpası vacibdir. O hesab edir ki, qarşıdurmanın daha da dərinləşməsi həm regional, həm də beynəlxalq təhlükəsizlik baxımından əlavə risklər yaradır.
Şulenburq tərəfləri qarşılıqlı ittihamlar əvəzinə siyasi dialoqa üstünlük verməyə çağırıb və uzunmüddətli sabitliyin yalnız danışıqlar yolu ilə təmin oluna biləcəyini qeyd edib.
