Yaxın Şərqdə genişmiqyaslı və dağıdıcı böyük bir müharibənin başlanması an məsələsinə çevrilib.
Çağdaş.Az xəbər verir ki, İsrailin müdafiə naziri İsrael Kats ölkəsinin İrana qarşı heç bir müttəfiqinin köməyi olmadan, tamamilə təkbaşına hərbi əməliyyata başlamağa hazırlaşdığını rəsmən bəyan edib. Nazirin sözlərinə görə, regional gərginliyin pik həddə çatdığı bir vaxtda İsrail ordusu artıq ən yüksək döyüş hazırlığı vəziyyətinə gətirilib.
Müdafiə naziri Kats jurnalistlərə açıqlamasında bildirib ki, İsrail Müdafiə Ordusu (SOHAL) birbaşa ölkənin Baş nazirindən İslam Respublikasına qarşı genişmiqyaslı döyüş əməliyyatlarına başlamaq barədə qəti və təxirəsalınmaz göstəriş alıb.
Rəsmi Tel-Əviv Tehranın son addımlarına cavab olaraq bütün variantları, o cümlədən İranın nüvə və hərbi obyektlərinə müstəqil şəkildə dağıdıcı hava və raket zərbələri endirmək planını masada saxlayır. Bu açıqlama beynəlxalq aləmdə regionun tamamilə nəzarətdən çıxa biləcəyi ilə bağlı böyük narahatlıq və xaos dalğası yaradıb./Musavat.com/
