Donald Tramp İranla bağlı münaqişə fonunda atəşkəsin uzadılmasına qarşı olduğunu bildirib.
Çağdaş.Az-ın xəbərinə görə, ABŞ prezidenti CNBC kanalına müsahibəsində qeyd edib ki, Vaşinqton danışıqlarda “çox güclü mövqedədir” və tətbiq olunan blokada “böyük uğur” olub.
Tramp deyib: “Boğaza tam nəzarət edirik. Düşünürəm ki, sonda çox yaxşı razılaşma əldə edəcəyik. Onların başqa seçimi yoxdur. Atəşkəsi uzatmaq istəmirəm. Çox vaxtımız yoxdur.”
Məlumata görə, ABŞ ilə İran arasında atəşkəs aprelin 23-ü saat 03:00-da başa çatacaq. Tramp ölkəsinin hərbi müdaxiləyə hazır olduğunu da vurğulayıb.
ABŞ lideri bildirib ki, İran razılaşmaya gedərsə, yenidən güclü dövlətə çevrilə bilər: “Onların inanılmaz insanları var. Sadəcə ağıllarını istifadə etməli və sağlam düşüncəli davranmalıdırlar.”
Tramp əlavə edib ki, İranın danışıqlar üçün nümayəndə heyəti göndərməkdən başqa yolu yoxdur və bu, “əla razılaşmaya” gətirib çıxara bilər./Haberglobal/
