ABŞ Prezidenti Donald Tramp bəyan edib ki, əgər qarşıdakı danışıqlar və ya əldə olunacaq razılaşma Vaşinqtonu qane etməsə, ABŞ İrana qarşı hərbi əməliyyatları çox asanlıqla yenidən başlada bilər.
Çağdaş.Az xəbər verir ki, O, “Sky News” telekanalına müsahibəsində bildirib:
“Biz çox asanlıqla yenidən əməliyyatlara qayıda bilərik.”
ABŞ lideri çərşənbə axşamı İranla qarşılıqlı şəkildə iki həftəlik atəşkəs qərarı qəbul etdiklərini açıqlamışdı. Onun sözlərinə görə, bu addım Pakistanın Baş naziri Şahbaz Şarifnin təklifi əsasında atılıb və İranın Hörmüz boğazını tam, dərhal və təhlükəsiz şəkildə açmağa razılıq verməsindən asılıdır.
İran dövlət televiziyasının məlumatına görə isə Tehran ABŞ-ın “qəbul etməyə məcbur olduğu” 10 maddəlik təklif irəli sürüb. Bu təkliflərə hücumların dayandırılması, Hörmüz boğazına nəzarətin İranda qalması, ölkə daxilində uranın zənginləşdirilməsi fəaliyyətinin davamı, bütün əsas və ikinci dərəcəli sanksiyaların ləğvi, İrana dəymiş ziyanın tam ödənilməsi və ABŞ hərbi qüvvələrinin regiondan çıxarılması kimi şərtlər daxildir.
