ABŞ Prezidenti Donald Tramp bildirib ki, Hizbullahla bağlı məsələlərin həllini Suriyaya həvalə etmək daha məqsədəuyğun ola bilər.
Çağdaş.Az bildirir ki, ABŞ liderinin sözlərinə görə, İsrailə Hizbullahla bağlı məsələlərin həllini Suriyaya buraxmağı tövsiyə edib.
“İsrailə təklif etdim ki, Hizbullah məsələsini Suriyanın həll etməsinə imkan versin. Açığı, düşünürəm ki, onlar bunu daha yaxşı bacaracaqlar”, – deyə Tramp bildirib.
Tramp həmçinin Suriya Prezidenti Əhməd Əl-Şara haqqında müsbət fikirlər səsləndirib.
Onun sözlərinə görə, Əhməd Əl-Şara ölkədə vəziyyəti sabitləşdirmək istiqamətində “çox böyük iş görüb” və Hizbullahla münasibətləri idarə etməkdə uğurludur.
“Əhməd Əl-Şara vəziyyəti toparlamaq üçün heyrətamiz iş görüb. O, Hizbullahla işləməkdə çox bacarıqlıdır”, – deyə ABŞ Prezidenti qeyd edib.
Tramp Hizbullahı “vaxtaşırı baş qaldıran kiçik problem” kimi xarakterizə edərək, Suriyanın bu məsələdə daha effektiv rol oynaya biləcəyini vurğulayıb.
