Çin sağlam, sabit və davamlı ikitərəfli münasibətlər qurmaq üçün ABŞ ilə işləməyə hazırdır. Bu barədə Xarici İşlər Nazirliyinin sözçüsü Quo Ciakun jurnalistlərə bildirib.
Çağdaş.Az-ın xəbərinə görə, diplomat qeyd edib ki, “Çin Çin-ABŞ münasibətlərinə yeni yanaşmanı konkret addımlara çevirmək və ikitərəfli münasibətlərin sabit, sağlam və davamlı inkişafını birgə təşviq etmək üçün ABŞ ilə əməkdaşlıq etməyə hazırdır”.
ABŞ prezidenti Donald Tramp çərşənbə günü Çinə səfər edib. Səfəri çərçivəsində ABŞ lideri çinli həmkarı Si Cinpinlə danışıqlar aparır. Məsləhətləşmələr zamanı prezidentlərin ikitərəfli ticarət və iqtisadi mübahisələrin həllinə üstünlük verəcəyi gözlənilir. Müzakirələr qlobal gündəmdəki əsas məsələləri əhatə edəcək. Tramp 15 maya qədər Çində qalacaq.
