Almaniya təxribat, kiberhücum və seçkilərə müdaxilə ittihamları ilə Rusiya səfirini XİN-ə çağırıb
Cagdas.az bildirir ki, rəsmi nümayəndənin bildirdiyinə görə, Almaniya cümə günü təxribat, kiberhücumlar və seçkilərə müdaxilə ittihamları ilə əlaqədar Rusiyanın səfirini Xarici İşlər Nazirliyinə çağırıb.
Almaniya hökuməti, həmçinin Moskvanı dezinformasiya kampaniyaları aprmaqda günahlandırır.
Almaniya Xarici İşlər Nazirliyinin sözçüsü Martin Gize məsələ ilə bağlı deyib: “Rusiyanın bu kiber və dezinformasiya hücumlarının məqsədi gün kimi aydındır: cəmiyyəti parçalamaq, inamsızlıq toxumu səpmək, narazılıq yaratmaq və demokratik institutlara inamı zəiflətmək..”
Hökumətin mətbuat konfransında çıxış edən Martin Gize əlavə edib ki, informasiyanın bu cür hədəfli manipulyasiyası Rusiyanın Almaniyadakı demokratik proseslərə və institutlara inamı zədələmək məqsədi daşıyan genişmiqyaslı fəaliyyətlərinin sadəcə bir hissəsidir.
Qeyd edək ki, alman rəsmiləri bundan əvvəl də Rusiyanı Avropada sabitliyi pozmaq üçün hibrid müharibə üsullarına əl atmaqda ittiham etmişdilər. Moskva isə bu dəfəlik ittihamlara şərh verməyib.
Cagdas.az
Xəqani Əzizli
