Bu gün paytaxtın bəzi ərazilərində qaz təchizatında fasilələr olacaq.
Cagdas.az xəbər verir ki, bu barədə “Azəriqaz” İB məlumat yayıb.
“Qaz kəmərində aşkar olunmuş sızmanın aradan qaldırılması məqsədilə 13 aprel tarixində saat 10:00-dan etibarən işlər başa çatanadək Binəqədi rayonu üzrə Binəqədi və M.Ə.Rəsulzadə qəsəbələrinin, Mədən ərazisinin, Baksol yolunun və Binəqədi şosesinin qaz təchizatında müvəqqəti fasilə yaranacaq”, – deyə məlumatda qeyd edilib.
