Tovuz rayonunun Aşağı Mülkülü kəndində fermerlər ciddi problemlə üzləşiblər.
Cagdas.az xəbər verir ki, tonlarla soğan satışa çıxarıla bilmədiyi üçün həyətyanı sahələrdə xarab olur.
Kənd sakinləri bildiriblər ki, məhsulu bazara çıxarmaq və satmaq mümkün deyil, satış kanalları isə məhdudlaşıb.
“Əvvəlki illərdə, xüsusilə Rusiyaya ixrac hesabına yaxşı qazanc əldə edirdilər, lakin bu il vəziyyət tam fərqlidir”.
Fermerlərdən biri qeyd edib ki, uzun illərdir soğan əkirlər, lakin bu mövsüm satış yoxdur və məhsul evlərində qalıb. Onun sözlərinə görə, istehsal xərcləri də minlərlə manata çatıb, lakin gəlir əldə etmək mümkün olmayıb, hətta bir hissə məhsulu məhv etməyə məcbur qalıb.
Fermerlərin sözlərinə görə, kifayət qədər məhsul olsa da, satış olmadığı üçün soğanın böyük hissəsi artıq yararsız hala düşüb. (milli.az)
