“İkinci oxunuş zamanı Əminə xanım bildirdi ki, dünyanın heç bir ölkəsində cərimə məbləğləri minimum əmək haqqı və ya əhalinin gəlirliyi ilə bağlanmır, əksinə, dünyanın əksər ölkələri arasında cərimə məbləğləri minimum əmək haqqı və gəlirlik səviyyəsi ilə bağlanır. Və bunu, təbii ki, dövlətlərin qanunvericiliyinə baxmaqla çox asanlıqla müəyyənləşdirmək olar”.
Cagdas.az xəbər verir ki, bunu Milli Məclisin bu gün keçirilən plenar iclasında müzakirə edilən Cinayət Məcəlləsinə təklif edilən dəyişikliyin müzakirəsi zamanı deputat Vüqar Bayramov deyib.
Deputat uyğun olmayan şərhin verilməsinə və eyni zamanda bir sıra məqamlara çox qısa olaraq aydınlıq gətirib:
“İnkişaf etmiş ölkədə tətbiq edilən cərimə məbləğinin hansısa digər inkişaf etmiş və ya inkişaf etməkdə olan ölkədə tətbiq olunması praktik olaraq mümkündür. Eyni zamanda, ikinci oxunuşda irəli sürülən şərhlərdən biri yaşayış minimumu ilə bağlı idi. Amma mənim təklifim məhz cərimə məbləğlərinin deyil, ziyanın məhkumlaşdırılması ilə bağlıdır və bu praktika bir sıra ölkələrdə tətbiq olunur. Çünki ziyanın məhkumlaşdırılması öncə müzakirə etdiyimiz Avropa Palatasının hesabatında qeyd edildiyi kimi, xüsusən də dövlət vəsaitlərinin istifadədə təyinatına yönəldilməməsi halları xeyli dərəcədə minimumlaşdırır. Nəzərə almaq lazımdır ki, Azərbaycanda da bütövlükdə cərimələrin minimum əmək haqqı ilə bağlılığı uzun müddət tətbiq olub. Hazırda da Vergi Məcəlləsinə əsasən bir sıra ödənişlər minimum əmək haqqı məbləği ilə birbaşa bağlıdır və minimum əmək haqqı məbləği Cənab Prezident tərəfindən təsdiq olunduğuna görə, bu, əslində, bütün dünyada da qəbul edilmiş bir meyar idi. O baxımdan xüsusilə qeyd etmək istərdim ki, bu praktika inkişaf etmiş ölkələrin və eləcə də bir sıra inkişaf etməkdə olan ölkələrin praktikasına uyğundur və bir daha sizə təbii ki, müzakirələrin təşkilinə və dəstəyinizə görə təşəkkür edirəm” – deyə deputat vurğulayıb.
Qeyd edək ki, qanun layihəsinin ikinci oxunuşunda deputat Vüqar Bayramov minimum cərimə hədlərinin müəyyənləşdirilməsini və böyük məbləğlərdə məsuliyyətdən azadolmanın tətbiq olunmamasını təklif etmiş, lakin bu təklif Hüquq siyasəti və dövlət quruculuğu komitəsinin üzvü Əminə Ağazadə tərəfindən birmənalı qarşılanmamışdı.
