Distant təhsilə keçid yalnız müəyyən hallarda tətbiq oluna bilər.
Cagdas.az xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov bu gün keçirilən brifinqdə deyib.
O bildirib ki, bəzi valideynlər tərəfindən təhlükəsizlik səbəbləri ilə distant (məsafədən) təhsilə keçidlə bağlı təkliflər irəli sürülsə də, mövcud qanunvericilikdə bunun kütləvi şəkildə tətbiqi nəzərdə tutulmayıb:
“Distant təhsil yalnız müəllim təminatının olmadığı və ya tədrisin keyfiyyətli təşkili üçün obyektiv imkanların məhdud olduğu ucqar ərazilərdə tətbiq edilə bilər.
Vurğulanıb ki, ümumi yanaşmaya əsasən məktəbin əsas funksiyası şagirdlərin birbaşa təhsil mühitində olmasıdır və təhsil prosesinin məktəb daxilində təşkili prioritet olaraq qalır”.
