İran donanması Barbados bayrağı altında üzən “Ocean Koi” tankerini “neft ixrac etməyə cəhd” ittihamı ilə saxlayıb. Bu barədə IRNA agentliyi məlumat yayıb.
Çağdaş.Az xəbər verir ki, məlumata görə, İran tərəfi gəminin neft daşımasının “İran xalqının maraqlarına zərər vura biləcəyi” qənaətinə gəlib.
Hadisədən sonra tanker İran İslam Respublikasının cənub sahillərinə müşayiət olunaraq aparılıb. “Press TV” isə gəminin Oman körfəzi ərazisində saxlandığını bildirib.
Rəsmilər insidentlə bağlı əlavə detalları açıqlamayıb.


