Son dəqiqə

Təhsildə yenilik – ali məktəblərə qeydiyyat mygov-la aparılacaq

Cəmiyyət

Təhsil üzrə bir sıra mühüm xidmətlər elektron hökumət portalına mygov-a inteqrasiya olunub.

Cagdas.az bildirir ki bu barədə  Elm və Təhsil Nazirliyindən məlumat verilib.

Bildirilib ki, Elm və Təhsil Nazirliyinə aid 5 yeni xidmətin platformaya inteqrasiyası sayəsində təhsilalanlar və valideynlərin işi rahatlaşacaq.

Beləliklə, mygov ilə:

– abituriyentlərin ali təhsil müəssisələrinin bakalavriat səviyyəsinə qeydiyyatı,

– bakalavrların magistratura və rezidentura səviyyələrinə qeydiyyatı,

– ümumi orta və tam orta təhsil bazasından orta ixtisas təhsili müəssisələrinə qəbul olunmuş abituriyentlərin qeydiyyatı,

– məktəbəqədər təhsil müəssisələrinə sənəd qəbulu aparılacaq.

Növbəti tədris ili üçün qeydiyyat proseslərini my.gov.az saytından “Xidmətlər” bölməsindən “Elm və Təhsil Nazirliyi” və ya “Təhsil” sahəsini seçərək rahatlıqla icra edə bilərsiniz.(modern.az)