ABŞ və İran arasındakı münaqişənin nizamlanmasına dair əldə olunacaq razılaşmalar regional xarakter daşıyaraq İsrail, Livan və Fars körfəzi ölkələrini də əhatə edəcək.
Cagdas.az xəbər verir ki, bunu ABŞ-ın vitse-prezidenti Cey Di Vens bəyan edib.
Amerikalı jurnalist Meqin Kelliyə müsahibə verən vitse-prezident planlaşdırılan sənədin miqyasını açıqlayıb:
“Bu, regional sülh sazişidir. Bura Fars körfəzi, İsrail və Livan daxil olacaq. Əsas ideya ondan ibarətdir ki, bu, əsl regional sülh müqaviləsidir”.
İyunun 15-nə keçən gecə ABŞ, İran və vasitəçi qismində çıxış edən Pakistanın rəsmi nümayəndələri Vaşinqton ilə Tehran arasında 60 günlük atəşkəs sazişinin əldə olunduğunu təsdiqləyiblər. Sözügedən sənədin iyunun 19-da İsveçrədə imzalanması gözlənilir.(Referans Media )
