Cagdas.az xəbər verir ki, bunu “Politico” Avropa rəsmilərinə istinadən yazıb.
Nəşrin məlumatına görə, səfər ticarət və digər əlaqələrin gücləndirilməsinə, eləcə də Moskvanın keçmiş sovet respublikalarında təsirini qorumaq səylərinə qarşı çıxmağa kömək etməyə yönələcək.
Ursula fon der Lyayeni səfərdə hazırda Ukrayna və Moldovanın Aİ-yə qoşulması üçün fəal şəkildə lobbiçilik edən ittifaqın genişlənmə üzrə komissarı Marta Kos müşayiət edəcək.
Avropa Komissiyasının rəhbəri Azərbaycanda Prezident İlham Əliyevlə, Ermənistanda isə Baş nazir Nikol Paşinyanla görüşəcək.
Nəşr yazır ki, Brüssel Cənubi Qafqazı Avropa ilə Asiya arasında strateji əhəmiyyətli nəqliyyat dəhlizi kimi görür və Yaxın Şərqdəki münaqişə fonunda əhəmiyyəti artan bir bölgədir. Vurğulanıb ki, Azərbaycan Aİ üçün əsas enerji təchizatçısı olaraq qalır.
Məlumata görə, hətta Brüsseldə İrəvanın Avropa ilə ticarət münasibətlərini şaxələndirməsinə və Rusiyadan asılılığını azaltmasına kömək etməyi hədəfləyən xüsusi bir Aİ vətəndaş cəmiyyəti qrupu da yaradılıb.
Səfəri zamanı Ursula fon der Lyayen regionda bir neçə yeni Aİ təşəbbüsünü elan etməsi gözlənilir, baxmayaraq ki, onların məzmunu hələ rəsmi olaraq açıqlanmayıb.(Ölkə.az )
