Rusiya Prezidenti Vladimir Putin ölkənin Silahlı Qüvvələrinin şəxsi heyətinin sayının artırılması ilə bağlı fərman imzalayıb.
Çağdaş.Az xəbər verir ki, sənədə əsasən, Rusiya Silahlı Qüvvələrinin ümumi sayı 2 milyon 426 min 130 nəfər, o cümlədən 1 milyon 535 min hərbi qulluqçu olaraq müəyyən edilib.
Yeni qərarla ordunun ümumi şəxsi heyəti 27 min nəfər, hərbi qulluqçuların sayı isə 25 min nəfər artırılıb.
Fərman 1 avqust tarixindən qüvvəyə minəcək.
Sənədə əsasən, həmçinin Rusiya Müdafiə Nazirliyinin mərkəzi aparatının maksimal ştat sayı 13 min 400 nəfər müəyyən olunub. Mühafizə və digər yardımçı heyət bu rəqəmə daxil deyil. Onlardan 4 min 930 nəfəri dövlət qulluqçusu olacaq.
