Fransada sentyabr ayı üzrə yeni temperatur rekordu qeydə alınıb.
Cagdas.az xəbər verir ki, bu barədə məlumatı “Le Figaro” nəşri “Meteo-France” meteorologiya agentliyinə istinadən yayıb.
Məlumata əsasən, dünən Fransanın cənubunda yerləşən Tarn departamentində havanın hərarəti 40.3 dərəcəyə çatıb.
Bundan əvvəlki sentyabr rekordu 2022-ci ildə müşahidə edilmiş 40.2 dərəcə isti hesab olunurdu.
Hazırda Fransanın cənub və cənub-şərq bölgələrində yenidən kəskin isti hava şəraiti hökm sürür. Altı departamentdə hava şəraiti ilə əlaqədar yüksək, yəni “narıncı” təhlükə səviyyəsi elan olunub. Bu gün bəzi ərazilərdə havanın temperaturunun 39 dərəcəyə çatacağı barədə məlumatlar yayılmışdı.\modern.az\
