İş həftəsi geomaqnit fırtınaları olmadan başlayıb və yaxın günlərdə vəziyyətin sabit qalacağı gözlənilir.
Cagdas.az xəbər verir ki, bu barədə Böyük Britaniya Geologiya Xidməti məlumat yayıb.
Alimlərin sözlərinə görə, son güclənmədən sonra günəş küləyi yenidən normaya qayıdacaq.
“Yaxın günlər ərzində geomaqnit aktivliyinin sakit səviyyədə qalacağı gözlənilir”, – deyə mütəxəssislər bildirirlər.
Bu o deməkdir ki, Günəşdə yeni güclü alovlanmalar baş verməzsə, sentyabrın sonunadək və oktyabrın 1-də geomaqnit fırtınası gözlənilmir.
Riyazi və fiziki cəhətdən qeyri-mümkün olanı təsəvvür edib Günəşin qəfil yox olduğunu fərz etsək, Yer bunu dərhal hiss etməyəcək. Son günəş işığı planetimizə daha 8 dəqiqə 19 saniyə ərzində çatmaqda davam edərdi. İşığın Günəşlə Yer arasındakı məsafəni qət etməsi üçün məhz bu qədər vaxt tələb olunur.
Təxminən eyni vaxt ərzində onun cazibə qüvvəsi də təsirini saxlayardı. Dəyişiklik bizə çatana qədər Yer öz əvvəlki orbiti boyunca hərəkət etməyə davam edərdi.
Səs ilə bağlı vəziyyət isə tamamilə fərqli olardı. Kosmosun vakuum mühitində səs yayılmadığı üçün “Günəşin son səsini” eşitmək mümkün deyil. Lakin mühitdə havanın olduğunu fərz etsək, səs dalğası bu məsafəni təxminən 13,8 ilə qət edərdi.
Bununla belə, Günəş həqiqətən də “səs çıxarır” və onun təkində təzyiq dalğaları yayılır. Alimlər onları səthin və günəş işığının dəyişməsinə əsasən öyrənir, daha sonra isə bu məlumatları insan qulağının eşidə biləcəyi tezlik diapazonuna köçürürlər.\referans media\
