Böyük Britaniya və Norveç Rusiyanın şimaldakı sualtı təhdidinə qarşı yeni müdafiə sazişi imzalayıb.
Cagdas.az xarici mediaya istinadən bildirir ki, Böyük Britaniya və Norveç Atlantik okeanının şimal hissəsində Rusiyanın sualtı qayıqlarından gələn təhlükələrə qarşı birgə mübarizəni gücləndirmək məqsədilə yeni, genişmiqyaslı müdafiə sazişi imzalayıblar.
Sazişə əsasən, ən azı 13 hərbi gəmindən ibarət birgə donanma formalaşdırılacaq. Donanma müasir avtonom sistemlərlə təchiz ediləcək və Rusiya sualtı qayıqlarının izlənilməsi, eləcə də strateji infrastrukturun — Qrenlandiya, İslandiya və Birləşmiş Krallıq arasında yerləşən sualtı rabitə kabelləri və boru kəmərlərinin — qorunması ilə məşğul olacaq.
Saziş çərçivəsində, həmçinin, dəniz piyadalarının Norveçdə təlimi və iki ölkənin silahlı qüvvələrinin birgə hərbi təlimlərinin keçirilməsi nəzərdə tutulur.
