ABŞ prezidenti Donald Tramp İranın razılaşma əldə etmək istədiyini iddia edib.
Çağdaş.Az bildirir ki, Tramp sosial media hesabında İranla davam edən danışıqlar barədə şərhlər verib.
Tramp bildirib ki, “İran həqiqətən də razılaşma əldə etmək istəyir və bu razılaşma həm ABŞ-a, həm də bizimlə işləyənlərə fayda verəcək”.
Digər tərəfdən, Tramp Demokratların və bəzi Respublikaçıların prosesi daim tənqid etdiyini qeyd edərək, onun bəzən daha sürətli, bəzən isə daha yavaş hərəkət edəcəyinin gözlənildiyini bildirib.
Bu cür tələblərin və şərhlərin onun işini daha da çətinləşdirdiyini qeyd edən Tramp, hər şeyin yaxşı olacağını bildirib.
Başqa bir paylaşımda Tramp CNN-in İrana təqdim edilən saziş layihəsində nüvə məsələlərinin yer almadığı iddialarını rədd edərək, layihə mətnində İranın nüvə silahına sahib olmayacağının açıq şəkildə göstərildiyini bildirib.
Tramp qeyd edib ki, saziş layihəsi nüvə məsələsinin müxtəlif aspektlərini çox güclü və ətraflı şəkildə əhatə edir və mətnin əhəmiyyətli bir hissəsi bu mövzuya həsr olunub.
