Ermənistan Azərbaycanda həbsdə olan ermənilərə konsulluq səfəri üçün üçüncü ölkəyə müraciət edib.
Cagdas.az xəbər verir ki, Ermənistan Xarici İşlər Nazirliyi Azərbaycanda həbsdə olan ermənilərə konsulluq səfərinin təşkil edilməsi üçün üçüncü bir ölkədən vasitəçilik etməsini istəyib.
Nazirlik söhbətin hansı ölkədən getdiyini açıqlamayıb.
Ermənistan XİN-in məlumatına görə, hökumət sülhün bərqərar olması və möhkəmləndirilməsi öhdəliyi, həmçinin davam edən dialoq və etimad quruculuğu tədbirləri çərçivəsində bütün humanitar məsələlərə böyük əhəmiyyət verir.
Qeyd edək ki, Bakıda həbsdə olan Ruben Vardanyanın həyat yoldaşı Veronika Zonabend iyulun 8-də Ermənistanın Baş naziri Nikol Paşinyana açıq məktub ünvanlayıb. O, beynəlxalq qadın humanitar nümayəndə heyətinin tərkibində Bakıya səfər etmək niyyətində olduğunu bildirib.\Globalinfo.az\
