Bu ilin yanvar–aprel aylarında ictimai nəqliyyatda sərnişin axınında artım qeydə alınıb.
Cagdas.az xəbər verir ki, bu barədə Dövlət Statistika Komitəsi məlumat yayıb.
Yanvar–aprel ayları ərzində avtobuslarla 606 milyon 123 min sərnişin daşınıb. Bu, ötən ilin eyni dövrü ilə müqayisədə 8,9% çoxdur.
Metrodan istifadə edən sərnişinlərin sayı isə 0,9% artaraq 74 milyon 18,3 min nəfərə çatıb.Taksi xidmətlərindən istiafdə edən sərnişinlərin sayı 26 milyon 993,8 min təşkil edib ki, bu da illik müqayisədə 5,8% çoxdur.
Eyni zamanda, hava nəqliyyatı ilə daşınan sərnişinlərin sayı 3,3% artaraq 1 milyon 218,9 min nəfərə, dəmiryolu nəqliyyatı üzrə isə 20,8% artaraq 3 milyon 597,9 min nəfərə yüksəlib.(metbuat.az)
