Azərbaycanda üç yaşınadək uşağa qulluğa görə verilən müavinət artırıla bilər.
Cagdas.az xəbər verir ki , sözügedən məsələ 2026-28-ci illər üçün bağlanmış Baş Kollektiv Sazişdə əksini tapıb.
Qeyd olunur ki, üç yaşınadək uşağa qulluqla əlaqədar verilən müavinətin artırılması ilə bağlı tədbir görüləcək.
Məlumat üçün bildirək ki, sığortaolunanın qismən ödənişli sosial məzuniyyət əmri sığortaedən tərəfindən “Əmək və məşğulluq” altsistemində yaradıldıqda sığortaolunana üç yaşınadək uşağa qulluğa görə müavinət qanunvericiliklə müəyyən olunmuş məbləğdə avtomatlaşdırılmış qaydada təyin edilir.
Həmin məzuniyyət dövründə uşağa qulluq edən şəxsə yaşyarımadək uşağa qulluğa görə 44 manat, uşağın yaşyarımdan üç yaşınadək ona qulluğa görə isə 28 manat müavinət ödənilir.(Referans Media)
