Almaniyadan Ukraynaya hərbi kontingentin göndərilməsi ilə bağlı səslənən təkliflər ölkə daxilində etirazla qarşılanıb.
Cagdas.az xəbər verir ki, Almaniyanın Ağıl və Ədalət İttifaqı Partiyasının xarici siyasət üzrə eksperti Sevim Dağdələn Almaniya hərbçilərinin Ukraynaya göndərilməsini riskli addım kimi qiymətləndirib. O, sosial şəbəkə hesabında paylaşdığı mövqedə bildirib ki, sülhməramlı missiya adı altında, hətta Avropa Birliyinin bayrağı altında belə Almaniya hərbçilərinin Ukraynaya yerləşdirilməsi Rusiya ilə qarşıdurmanı daha da gərginləşdirə bilər.
Sevim Dağdələn həmçinin Kiyevə silah tədarükünün artırılmasına və Bundesverin Ukrayna ərazisinə göndərilməsinə qəti şəkildə qarşı olduğunu vurğulayıb.
Xatırladaq ki, bundan əvvəl — dekabrın 26-da Avropa Xalq Partiyasının sədri və eyni zamanda Avropa Parlamentindəki fraksiyasının rəhbəri Manfred Veber Almaniya hərbçilərinin Avropa bayrağı altında Ukraynada sülhün təmin olunması prosesində iştirakını təklif etmişdi.
