Alimlər yaxın günlərdə günəş səthində baş verən partlayışların həm sayının, həm də gücünün kəskin artacağını proqnozlaşdırırlar.
“Cagdas.az” xəbər verir ki, bu barədə Rusiya Kosmik Tədqiqatlar İnstitutunun Günəş Astronomiyası Laboratoriyası və Günəş–Yer Fizikası İnstitutu məlumat yayıb.
Verilən məlumata əsasən, Günəşin Yerə yönəlmiş hissəsində bir neçə yeni böyük aktiv sahə formalaşıb ki, bu da güclü partlayış ehtimalını artırır.
Qeyd olunur ki, son sutkada günəş şüalarının axını təxminən beş dəfə yüksəlib. Bununla yanaşı, kiçik və orta güclü partlayışların sayı da artıb ki, bu da Günəşdə partlayış üçün enerji ehtiyatlarının sürətlə toplandığını göstərir./Ölkə.az/
