Orta pensiyanın məbləğində 11% artıma nail ola bilmişik. Hazırda bizim orta pensiyamızın məbləği 594 manat təşkil edir.
Cagdas.az xəbər verir ki, bunu əmək və əhalinin sosial müdafiəsi naziri Anar Əliyev “ARB24” və “APA”ya müsahibəsində bildirib.
Nazir pensiyaların bu il 9.13% məbləğində indeksləşdirildiyini də əlavə edib.
“2026-cı ildə də biz əmək pensiyalarının indeksləşdirilməsini həyata keçirdik və 9.13% məbləğində bütün pensiyaların məbləği indeksləşdirilərək biz bunu artıra bildik və bu məqsədlə 640 milyon manat vəsait əlavə bu xərclərə yönəldə bildik”.
Anar Əliyev yaşa görə orta pensiya məbləğində isə 10% artım əldə olunduğunu və hazırda yaşa görə orta pensiya məbləği 632 manat təşkil etdiyini qeyd edib.
Vurğulanıb ki, sosial yönümlü xərclər Azərbaycanda ötən müddət ərzində 2,2 dəfə artaraq 7,8 milyard manatdan 17,1 milyard manata çatıb. (modern.az)
