“Ktriç Nersisyanın (bütün ermənilərin katolikosu II Qareginin əsl adı və soyadı – red.) kilsə islahatında iştirak etməsi üçün bütün imkanları tükənib, o, sadəcə qədim və müqəddəs Eçmiədzini tərk etməlidir”.
Cagdas.az xəbər verir ki, bunu baş nazir Nikol Paşinyan jurnalistlərlə söhbətində bəyan edib.
O vurğulayıb ki, Erməni Apostol Kilsəsinin istənilən ardıcılı Eçmiədzinin azad olunması işində iştirak edə bilər. Paşinyan fikrinə aydınlıq gətirərək bildirib ki, bu, Ermənistanın bütün vətəndaşlarına aiddir.
“Biz islahat yolu ilə getməliyik, bunsuz heç bir məsələ həll edilə bilməz. Mən bu yolla getməyə hazır olan hər kəsi alqışlayıram”, – deyə o əlavə edib.
Paşinyan bəyan edib ki, bütün ermənilərin katolikosunun dürüstlük prosedurundan keçməsi çox əhəmiyyətlidir./Oxu.az/
