Ermənistanda bir nəfərlik idarəetmə mövcud deyil; ölkədə hakimiyyət xalqa məxsusdur və xalq öz hökumətini azad seçkilər yolu ilə formalaşdırır. Bunu baş nazir Nikol Paşinyan brifinq zamanı bildirib.
Cagdas.az-ın Ermənistan mediasına itinadən verdiyi xəbərə görə, Paşinyan deyib ki, hökumət yeni Konstitusiya layihəsini xalqın müzakirəsinə çıxarmağı planlaşdırır və bununla da vətəndaşlara qərarvermə imkanı yaradılacaq. “Təbii ki, mən artıq bildirmişəm: yeni Konstitusiya qəbul edilərkən dövlətin inkişafı və dayanıqlılığı ilə bağlı gündəliyi nəzərə almaq və diqqət mərkəzində saxlamaq vacibdir”, – Paşinyan vurğulayıb.
Baş nazir əlavə edib ki, Ermənistan Respublikasında xalq hakimiyyəti qarşısıalınmaz, sarsılmaz və şəksizdir və bütün proseslər bu kontekstdə formalaşdırılmalıdır.
