Putinin hədəsi və Rusiyadan “Ermənistanı boşa getsin…” çağırışları

Paşinyan hakimiyyətinə ağır təhqirlər: “ İrəvan özünü uzun müddətdir ki, aşiq olan sevgilisini aldadan, sonra başqasına gedən axmaq qadın kimi aparır”

Rusiya Prezidenti Vladimir Putinin Moskvada 9 may paradından sonra keçirilən mətbuat konfransında Ermənistanın Avropa İttifaqına qoşulmaq planları haqda danışıb. Bildirib ki, Ermənistan Aİ-yə qoşulmaq istəyirsə, referendum keçirməlidir: “Ermənistanın Avropa İttifaqına qoşulmaq planlarına gəldikdə isə, bu, xüsusi diqqət tələb edir. Biz bunu baş nazir Paşinyanla dəfələrlə müzakirə etmişik. Burada xüsusi bir şey görmürük. Biz Ermənistan xalqına fayda verən hər şeyi dəstəkləyəcəyik. Əsrlər boyu Ermənistan xalqı ilə xüsusi münasibətlərimiz olub. Əgər müəyyən bir qərar Ermənistan xalqına fayda verərsə, biz buna qarşı çıxmayacağıq”.
O əlavə edib ki, bu, “bizim işimiz olmasa da”, prinsipcə, referendum keçirmək və Ermənistan vətəndaşlarından seçimlərinin nə olacağını soruşmaq tamamilə məntiqli olardı: “Buna görə də, biz müvafiq nəticələr çıxaracaq və yumşaq, ağıllı və qarşılıqlı faydalı boşanma yolu tutacağıq”.
Eyni zamanda, o, hadisələrin fərqli gedişatının mümkün nəticələri barədə xəbərdarlıq edərək, Ukrayna ilə paralellik aparıb: “İndi Ukrayna istiqamətində baş verən hər şeyi yaşayırıq. Bəs bütün bunlar haradan başladı? Ukraynanın Avropa İttifaqına qoşulması və ya qoşulma cəhdi ilə”.
Onun sözlərinə görə, bütün bunlar sonradan “dövlət çevrilişinə, Krım hadisəsinə, Ukraynanın cənub-şərqindəki vəziyyətə və hərbi əməliyyatlara” səbəb olub.
Musavat.com xəbər verir ki, politoloq Yuri Svetov dzen.ru-ya açıqlamasında Ermənistanın Avropa İttifaqının qapı arxasında gözlətdiyi dövlətlərin taleyindən nəticə çıxarmadığını deyib. “Paşinyan heç olmasa bunu düşünübmü: Ermənistanın Avropa İttifaqı ilə ortaq sərhədi yoxdursa, bu birliyə necə qoşulacaq?”
Rusiyalı ekspert hesab edir ki, Moskvanın Ermənistana iki stulda oturmaın mümkün olmadığı haqda xəbərdarlığından sonra Paşinyan öz seçimini edib. Bu konteksdəı xüsusi vurğulanır ki, Moskva da İrıəvana münasibətdə ayılmalıdır: “Avropa ölkələri təbii qazı 600 dollara alarkən, Ermənistan Rusiya qazını 115 dollara alır. Putin dəfələrlə Ermənistan rəhbərliyinə əməkdaşlıq şərtlərinin İrəvan üçün nə qədər əlverişli olduğunu xatırladıb. İndi isə görünür, Kreml nəhayət başa düşüb: Ermənistan itirilib və bu, bir faktdır. Yuri Svetov deyib ki, “Rusiya ortaq keçmişə əsaslanaraq Ermənistanın şıltaqlığına daha göz yummalıl, bu sentimental münasibəti “pəncərədən atmalıdır”, çünki hazırkı elita bunu dostluq kimi deyil, heç bir öhdəlik olmadan Rusiyanın dəstəyindən istifadə etmək imkanı kimi qəbul edir.”
Ekspertin sözlərinə görə, Ermənistan cəmiyyəti qarşıdan gələn seçkilərdə Paşinyanı yenidən dəstəkləyəcək: “Bu gün Ermənistan daxilində Rusiya ilə tam hüquqlu münasibətlərin bərpası üçün demək olar ki, ciddi ictimai tələb yoxdur. Orada bir çoxları səmimi qəlbdən inanır ki, biz onlara borcluyuq. Oxşar ssenari əvvəllər Ukrayna və Gürcüstanda da baş vermişdi. 18-ci əsrdə Şərqi Gürcüstan könüllü olaraq Rusiya İmperiyasının himayəsi altına keçdi ilə Osmanlı İmperiyası tərəfindən məhv edilmə təhlükəsindən xilas oldu. Lakin müasir gürcü siyasətçiləri bu hadisələri fərqli şəkildə – müstəqilliyin itirilməsi və Moskvanın təsirinin tətbiqi kimi şərh etməyə üstünlük verirlər. Ermənistan bu gün tədricən eyni istiqamətdə irəliləyir və Rusiya ilə ortaq keçmişinə münasibətini yenidən nəzərdən keçirir. Rusiyanın orada yeri yoxdur, ona görə də Ermənistana deməliyik ki, cəhənnəmə gedin! Biz onları cərimələməklə – qaz qiymətlərini Avropa səviyyəsinə qaldırmalıyıq. İrəvan Avrasiya iqtisadi əməkdaşlığının bütün üstünlüklərindən sona qədər istifadə etmək istəyir və onlar AB-yə qəbul edildikdən sonra bizdən imtina edib gedəcəklər. Onlar müttəfiq deyil, parazitdirlər. Və biz bütün bunlara dözməyə davam edirik, yaxşılığa doğru dəyişiklik ümid edirik.”
Lakin bəzi ekspertlər hesab edirlər ki, Rusiya vəziyyəti həddindən artıq dramatikləşdirməməlidir. Məsələn, politoloq Yuri Bondarenko əmindir ki, Moskva strateji müttəfiqini itirməkdənsə, başqa bir parazitdən qurtulmağı üstün tutar. “Əgər Ermənistandan heç bir qazanc əldə etmək mümkün deyilsə, onlarla münasibətlərə heç bir ehtiyac görmürəm. Gümrüdəki bazamızı itirmək perspektivinə gəldikdə isə əgər qalsa, bu, bizə baha başa gələcək. Əgər orada qoşunları yenidən yerləşdirmək mümkün deyilsə, Rusiyanın bazaya nə ehtiyacı var? Açığı, mövcud olmaq üçün çox az vaxtı qalan bir ölkədə bizə niyə forpost lazımdır?”
Sonda bir daha qeyd olunur ki, Ermənistan özünü uzun müddətdir ki, aşiq olan sevgilisini aldadan, sonra onu kor edən və sonra başqasına gedən axmaq qadın kimi aparır. “Hələlik, İrəvana barmaq silkələmək üçün yalnız aciz cəhdlər görürük. Rusiyaya Ermənistan konyakı və mineral suyunun idxalına qoyulan məhdudiyyətlər, əlbəttə ki, yaxşıdır, amma vintlər daha da sərtləşdirilə bilər”deyə, qeyd olunur.

P.S. Əsas kollaj Rusiya nəşrinə məxsusdur.(musavat.com)