Nəzərə alsaq ki, qızılca virus infeksiyası artıq bir neçə dəfədir ki vüsət alır, peyvəndləmədə olan boşluqlara nəzər salınmalıdır.
Çağdaş.Az xəbər verir ki ,bu barədə Oxu24.com-a açıqlamasında pediatr Aytən İsmayılzadə bildirib.
“Birinci dozanın bir yaşda edilməli olduğuna baxmayaraq ya valideyn uzadır, ya həkimlər. İkinci dozaya qədər olan interval çox olduğundan arxayın şəkiıdə uzadırlar. Bu ciddi virusdur və ciddi ağırlaşmaları olan xəstəıikdir. Hesab etməyin ki elə tutdu -sağaldı. Burda immunitetdə ciddi şəkildə çöküş baş verir.və heç kim nəticədə baş verənlərdən sığortalı deyil.Xəstəlik səbəbi peyvəndsiz olan böyük uşaqlardır, daha çox həyati risk daşıyanlar isə peyvənd yaşına çatmayan körpələrdir.
Bir doza alanlarda müdafiə tam formalaşmır. İkinci doza məktəb başlamamış edilməlidir. Çox uşaqda göruruk ki 6 yaş tamam olub ,uşaq məktəbə gedir valideyn isə hələ fikirləşir: görəsən ikinci dozanı etdirim ya yox? Mənə belə zənglər çox gəlir. Görun ki, nə qədər uşaq peyvənddən kənarda qalır və xəstəxanalarda qızılca ilə yatan uşaqların sayı artır.Bağçalara birinci doza ilə qəbul aparılmalıdır.
Birinci sinfə qəbulda mutləq ikinci doza qızılca peyvəndi olmalıdır.Və iki peyvənd arasında interval qısaldırmalıdır.
Uşaqlar arasında yayılmış olan psixonevroloji pozuntuların peyvəndlə heç bir əlaqəsi yoxdur , hamiləlikdən hətta ondan da öncədən qaynaqlanır və getdikcə də artan istiqamətdə gedəcək”,-deyə pediatr bildirib.
