ABŞ dövlət katibi Marko Rubio Avropa İttifaqının Vaşinqtona təzyiq etməyə çalışdığını bildirərək kəskin açıqlama verib.
Cagdas.az xəbər verir ki, Rubio bildirib:
“Aİ-nin beynəlxalq hüququ müəyyən etmək, ABŞ-nin öz maraqlarını necə müdafiə etdiyini diktə etmək hüququ yoxdur”.
O qeyd edib ki, Avropa ölkələri ABŞ-dən “Avropanı müdafiə etmək” üçün “Tomahavk” tipli kruiz raketləri tələb edir, lakin eyni Avropa ABŞ-nin Qərb yarımkürəsində təyyarədaşıyan gəmilər yerləşdirməsindən narahat olur.
Marko Rubio bunu “ikili standart” adlandırıb:
“Avropa bizə diktə edə bilməz. Onların xoşuna gəlsə də, gəlməsə də “Amerika birinci” vizyonu dəyişməzdir. Biz öz təhlükəsizliyimizi və maraqlarımızı hər şeydən üstün tuturuq. Aİ nəyin bizim maraqlarımıza uyğun olub-olmadığını öyrədə bilməz”.
Rubionun bu bəyanatı ABŞ-Aİ münasibətlərində artan gərginlik fonunda diqqət çəkib./Musavat.com/
