Rusiya Mərkəzi Bankının sədri Elvira Nabiullina Avropa İttifaqına üzv bəzi ölkələrin Rusiya aktivlərinin müsadirəsini niyə dəstəkləmədiyi ilə bağlı konkret arqumentlərə münasibət bildirməyin onun üçün çətin olduğunu deyib.
Cagdas.az-ın xəbərinə görə, Elvira Nabiullina mətbuat konfransında bildirib ki, Rusiya Mərkəzi Bankı Belçikada yerləşən depozitar qurum Euroclear-ə qarşı məhkəmə iddiasını vaxtında qaldırıb.
“İddianı niyə daha əvvəl yox, məhz indi qaldırdıq? Bunun üçün müvafiq şərait yaranmışdı və bu barədə daha sonra danışmaq uyğun olar. Məhkəmənin qərarından sonra nə baş verəcəyi və bu qərarın necə icra olunacağı isə hökm qüvvəyə mindikdən sonra aydınlaşacaq”, – deyə o qeyd edib.
Mərkəzi Bankın rəhbəri, həmçinin Rusiya aktivlərinin müsadirəsini təsdiqləməyən Aİ ölkələri arasında üstünlük təşkil edən konkret arqumentlərə şərh verməyin çətin olduğunu vurğulayıb. Onun sözlərinə görə, əsas səbəblərdən biri belə bir qərarın beynəlxalq maliyyə sisteminin fəaliyyətinin əsaslarını sarsıda biləcəyidir: “Məncə, ilk növbədə bu amil rol oynayır. Bu, açıq-aydındır”./TASS/
