ABŞ Prezidenti Donald Tramp bildirib ki, İranla müharibənin ABŞ-nin xeyrinə başa çatmasından sonra neft qiymətləri digər məhsullar kimi, hətta onlardan daha sürətlə aşağı düşəcək.
Çağdaş.Az xəbər verir ki, Tramp bu barədə “Truth” sosial şəbəkəsindəki hesabında paylaşım edib.
ABŞ lideri qeyd edib ki, İranla qarşıdurma başa çatdıqdan sonra enerji bazarında qiymətlərin əhəmiyyətli dərəcədə ucuzlaşacağını gözləyir.
“İran müharibəsində qalib gəldikdən sonra neft qiymətləri də digər qiymətlər kimi, hətta daha kəskin şəkildə aşağı düşəcək”, – deyə Tramp yazıb.
Onun sözlərinə görə, yanacağın qiyməti ilk mərhələdə hər qallon üçün 3 dollara, sonrakı mərhələdə isə 2 dollardan da aşağı enə bilər.
Tramp əlavə edib ki, bu prosesin sürətlə baş verəcəyinə inanır.
“Bütün bunlar çox qısa müddətdə baş verəcək və İran heç vaxt nüvə silahına sahib ola bilməyəcək”, – deyə ABŞ Prezidenti vurğulayıb.
