ABŞ Prezidenti Donald Tramp Böyük Britaniyanın yeni Baş naziri Endi Börnem (Andy Burnham) ilə yaxın vaxtlarda görüşəcəyini bildirib.
Çağdaş.Az xəbər verir ki, Tramp bu barədə Truth Social sosial şəbəkəsində paylaşım edib.
ABŞ liderinin sözlərinə görə, o, yeni Britaniya Baş naziri ilə telefon danışığı aparıb. Tərəflər söhbət zamanı neft hasilatı, ticarət əlaqələri, hərbi əməkdaşlıq və Hörmüz boğazındakı vəziyyəti müzakirə ediblər.
“Yaxın gələcəkdə qarşılıqlı maraq doğuran məsələləri müzakirə etmək üçün görüşəcəyik”, – deyə Tramp qeyd edib.
Xatırladaq ki, iyulun 20-də Leyboristlər Partiyasının yeni lideri Endi Börnem Kral III Çarlzdan hökuməti formalaşdırmaq mandatını alaraq Böyük Britaniyanın Baş naziri vəzifəsinin icrasına başlayıb. Bundan əvvəl isə Kral III Çarlz keçmiş Baş nazir Kir Starmerin istefasını qəbul edib.
