Son dəqiqə
“”Hollivud”a dəvət alan ilk azərbaycanlı aktyoram” – (Video) Zidan Arda Gülərə heyran qaldı: “Çox yüksək səviyyəli futbolçudur” Bal yarmarkasının tarixi və yeri dəyişdirilib Sağ olan Milli Qəhrəmanların sayı 14-dən 13-ə düşdü – ADLAR Bakı meriyasında bir sıra şöbələr ləğv edildi, yeniləri yaradıldı Azərbaycan Beynəlxalq Telekommunikasiya İttifaqının Şurasına üzv seçilib İxtisarlar etmək əvəzinə, özəl sektorda yüz minlərlə iş yerləri yaradılsın Narkoloji müayinəyə dair yeni tələb müəyyənləşir Yollarda görünüş məsafəsi məhdudlaşacaq Sovet dövrünün binaları dövlət hesabına təmir olunsun – Deputat

Telefonla hər şeyi çəkirsiniz? – Alimlər bunun yaddaşa zərər verdiyini açıqladı

Cəmiyyət
Hər anı telefonla fotoşəkil çəkərək və ya ekran görüntüsü alaraq qeydə almaq həmin anın beyində uzunmüddətli xatirəyə çevrilməsinə mane ola və yaddaşı zəiflədə bilər.

Cagdas.az xəbər verir ki, ABŞ-də aparılan tədqiqat çərçivəsində smartfonlarla davamlı vizual qeyd aparmağın insan yaddaşına təsiri araşdırılıb.

Binqemton Universitetinin alimləri tərəfindən 892 nəfərin iştirakı ilə həyata keçirilən yeddi fərqli eksperiment zamanı müəyyən olunub ki, hadisəni fotoşəkil çəkən və ya ekran görüntüsü alan şəxslər həmin hadisənin təfərrüatlarını daha çətin xatırlayırlar.

Təcrübələr zamanı iştirakçılara müxtəlif incəsənət əsərləri nümayiş etdirilib. Onların bir qrupundan sadəcə şəkillərə baxmaq, digər qrupundan isə ekran görüntüsü almaq tələb olunub. Nəticələr göstərib ki, şəkillərə yalnız baxan iştirakçılar ekran görüntüsü alanlarla müqayisədə görüntüləri daha dəqiq və daha ətraflı xatırlayıblar.

Araşdırmanın aparıcı müəllifi, psixoloq Sofiya Fabrizio bildirib ki, əldə olunan nəticələr insanların sadəcə bir düyməyə basmaqla yaşadıqları təcrübələr və əldə etdikləri məlumatlarla bağlı yaddaşlarına zərər vermə ehtimalının yüksək olduğunu göstərir.

Onun sözlərinə görə, bu təsir yalnız qeydə alınan görüntü ilə məhdudlaşmır və daha geniş yaddaş proseslərinə də təsir edə bilər.

Mütəxəssislər qeyd edirlər ki, bu hal elmdə “koqnitiv yükün ötürülməsi” adlanır. Yəni beyin məlumatın fotoşəkil və ya ekran görüntüsü vasitəsilə saxlanıldığını bildikdə, onu yadda saxlamaq üçün daha az səy göstərir.

Tədqiqatçılar həmçinin vurğulayırlar ki, fotoşəkil çəkərkən diqqətin ekrana yönəlməsi insanın yaşadığı ana tam fokuslanmasına mane olur. Xüsusilə xüsusi və emosional anlarda davamlı şəkildə foto çəkməyə çalışmaq həmin xatirələrin yaddaşda daha solğun qalmasına səbəb ola bilər.\ölkə.az\