ABŞ Silahlı Qüvvələri İrana qarşı növbəti hava zərbələri seriyasını həyata keçirib.
Çağdaş.az xəbər verir ki, bu barədə ABŞ Mərkəzi Komandanlığı (CENTCOM) sosial şəbəkə X hesabında məlumat yayıb.
Bildirilib ki, ABŞ qüvvələri ardıcıl 12-ci gecə İrana qarşı hərbi əməliyyatlar həyata keçirib.
Açıqlamaya görə, zərbələr İranın dəniz hərbi imkanlarına, raket və pilotsuz uçuş aparatlarının (PUA) saxlanıldığı anbarlara, sahil müşahidə məntəqələrinə və hava hücumundan müdafiə sistemlərinə yönəlib.
CENTCOM əməliyyatın başa çatdığını təsdiqləsə də, zərbələrin nəticələri, dəyən ziyan və mümkün itkilərlə bağlı əlavə məlumat açıqlamayıb.
