ABŞ-nin paytaxtı Vaşinqtonda, Ağ Evin yaxınlığında baş verən atışmada şübhəli bilinən şəxs saxlanılıb.
Cagdas.az-ın məlumatına görə, Vaşinqtonun Polis İdarəsi bu barədə “X”də xəbər verib.
Hadisə yeri mühasirəyə alınıb. Şübhəlinin adı hələ açıqlanmır.
“Fox News” xəbər verir ki, Ağ Ev hadisədən dərhal sonra bağlanıb.
“Associated Press”in məlumatına görə, Milli Qvardiyanın iki hərbçisi və şübhəli şəxs güllə xəsarətləri alıblar. Kolumbiya Dairəsinin Yanğından Mühafizə və Fövqəladə Hallar Xidmətinin ictimaiyyətlə əlaqələr üzrə mütəxəssisi Vito Madjiolo, onların hər üçünün xəstəxanaya aparıldığını bildirib. Qeyd olunur ki, qvardiyaçıların hər ikisinin vəziyyəti ağırdır./Report/
