Son dəqiqə
Dünyanın ən qorxunc şəhəri: İnsanda depressiya yaradır – FOTO “”Hollivud”a dəvət alan ilk azərbaycanlı aktyoram” – (Video) Zidan Arda Gülərə heyran qaldı: “Çox yüksək səviyyəli futbolçudur” Bal yarmarkasının tarixi və yeri dəyişdirilib Sağ olan Milli Qəhrəmanların sayı 14-dən 13-ə düşdü – ADLAR Bakı meriyasında bir sıra şöbələr ləğv edildi, yeniləri yaradıldı Azərbaycan Beynəlxalq Telekommunikasiya İttifaqının Şurasına üzv seçilib İxtisarlar etmək əvəzinə, özəl sektorda yüz minlərlə iş yerləri yaradılsın Narkoloji müayinəyə dair yeni tələb müəyyənləşir Yollarda görünüş məsafəsi məhdudlaşacaq

Bu gün Mehriban Əliyevanın doğum günüdür

Cəmiyyət

Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın doğum günüdür.

Cagdas.az xəbər verir ki, Mehriban Arif qızı Əliyeva 1964-cü il avqustun 26-da Bakı şəhərində anadan olub.

O, 1981-ci ildə Bakı şəhərindəki 23 nömrəli orta məktəbi qızıl medalla bitirib və Nəriman Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olub.

1988-ci ildə İ.M. Seçenov adına Birinci Moskva Dövlət Tibb İnstitutunu fərqlənmə diplomu ilə bitirən Mehriban Əliyeva 1988-1990-cı illərdə həmin institutda göz xəstəlikləri ixtisası üzrə kliniki ordinatura keçib. 1990-1995-ci illərdə Moskvada Elmi Tədqiqat Göz Xəstəlikləri İnstitutunda çalışıb.

1995-ci ildə Azərbaycan Mədəniyyət Fondunu təsis edən Mehriban Əliyeva 1996-cı ildə Azərbaycan mədəniyyətinin təbliği məqsədilə Azərbaycan, ingilis və rus dillərində nəşr olunan “Azərbaycan-İrs” jurnalını yaradıb.

2002-ci ildə Azərbaycan Gimnastika Federasiyasının prezidenti seçilib. Onun rəhbərliyi dövründə Azərbaycanda bir sıra beynəlxalq gimnastika yarışları, o cümlədən dünya və Avropa çempionatları keçirilib.

Mehriban Əliyeva 2004-cü ildən Heydər Əliyev Fonduna rəhbərlik edir. Fondun fəaliyyəti təhsil, səhiyyə, mədəniyyət, idman, elm, ekologiya və sosial sahələri əhatə edən müxtəlif layihələri əhatə edir.

2004-cü ildə UNESCO-nun xoşməramlı səfiri seçilən Mehriban Əliyeva 2006-cı ildə ISESCO-nun xoşməramlı səfiri adına layiq görülüb. 2022-ci ildə UNESCO-nun xoşməramlı səfiri vəzifəsindən ayrılması ilə bağlı müraciət edib.

2017-ci il fevralın 21-də Mehriban Əliyeva Azərbaycan Respublikasının Birinci vitse-prezidenti təyin olunub.

Mehriban Əliyeva 2005, 2010 və 2015-ci illərdə Milli Məclisin deputatı seçilib. 2005-ci ildə fəlsəfə üzrə fəlsəfə doktoru elmi dərəcəsi alıb.