Cəlilabad rayonununda bir sıra məktəblərin baxımsız vəziyyətdə olması ilə bağlı məlumatlar yayılıb.
Cagdas.az bildirir ki, Modern.az məsələ ilə əlaqədar Lənkəran-Astara Regional Təhsil İdarəsinə sorğu ünvanlayıb.
Sorğumuza cavab olaraq bildirilib ki, regional üzrə bu ilin sonuna kimi 100-ə yaxın təhsil müəssisəsinin cari və əsaslı təmir işlərinin icra edilib təhvil verilməsi planlaşdırılır.
Qeyd edilib ki, Astara rayonunun Sərək, Lerik rayonunun Cəngəmiran və Cəlilabad rayonunun Göytəpə şəhəri 2 nömrəli tam orta ümumtəhsil məktəblərinin yeni binaları tikilərək istismara verilib. Lənkəran rayon Viyən kənd, Astara rayonunun Şümrüd kənd məktəblərinin də istismara verilməsi planlaşdırılır.
