Rusiyanın Əbu-Dabidə ABŞ və Ukrayna nümayəndələri ilə üçtərəfli danışıqlarda iştirak edən nümayəndə heyəti görüşlərin nəticələrindən asılı olaraq Prezident Vladimir Putinə ya qısa, ya da ətraflı hesabat təqdim edəcək.
Çağdaş.Az xəbər verir ki, bu barədə Rusiya Prezidentinin mətbuat katibi Dmitri Peskov çərşənbə axşamı keçirilən brifinqdə bildirib.
Peskov qeyd edib ki, nümayəndə heyəti danışıqların necə inkişaf etməsinə əsasən qərar verəcək.
“Danışıqların gedişindən asılı olaraq nümayəndə heyəti müvafiq qərarlar qəbul edəcək”, – deyə Kremlin sözçüsü vurğulayıb.
Danışıqlarda təhlükəsizlik zəmanətləri müzakirə olunur
Rusiya, ABŞ və Ukrayna nümayəndələri arasında Ukrayna münaqişəsinin həlli ilə bağlı danışıqlar noyabrın 10-11-də Əbu-Dabidə keçirilir.
Rusiya nümayəndə heyətinə Prezident köməkçisi Vladimir Medinski rəhbərlik edir. Ukrayna tərəfinin nümayəndə heyətinə isə Xarici Kəşfiyyat Xidmətinin rəhbəri Rustem Umerov başçılıq edir.
Kremlin daha əvvəl açıqlamasında bildirib ki, görüşlərin əsas mövzularından biri təhlükəsizlik zəmanətləri olacaq.
İki gün davam edəcək danışıqlar çərşənbə axşamı Bakı vaxtı ilə təxminən saat 12:15-də başlayıb. Görüş zamanı Rusiya və Ukrayna nümayəndə heyətləri “U” formasında yerləşdirilmiş masa arxasında qarşı-qarşıya əyləşiblər.
