Son dəqiqə
Bakıda güclü külək 68 ağaca ziyan vurub Qızıl-gümüş ucuzlaşdı Bu ərazilərə qar yağır AZAL Sabiha Gökçen Hava Limanına uçmayacaq – RƏSMİ Metro stansiyalara yaxın ərazilərdə evlər bahalaşdı – VİDEO Avtomobil almaq istəyənlər bu xəbəri gözləyirdi: ƏDV dəyişir, qiymətlər necə olacaq? Bakıda evləri sökülən sakinlərə ŞAD XƏBƏR: Hər kvadratmetrə 2800 manat… Taksidən istifadə edənlərə PİS XƏBƏR: bahalaşacaq? – VİDEO Yeni tikililərdə yaşayanların DİQQƏTİNƏ: İşığınız və suyunuz kəsilərsə, dərhal buraya müraciət edin! Paytaxtın xəritəsi dəyişir: Bakının bu 5 istiqamətinə axın başlayır – Binəqədi, Zığ, Hövsan və Qala…

Ədliyyə Nazirliyinin tibb xidmətində işə girən hərbçilərə xüsusi rütbələr veriləcək

Cəmiyyət

Milli Məclisin bu gün keçiriləcək plenar iclasında “Ədliyyə orqanlarında qulluq keçmə haqqında” Qanuna dəyişiklik edilməsi barədə qanun layihəsi birinci oxunuşda müzakirəyə çıxarılıb.

Cagdas.az xəbər verir ki, dəyişikliklər penitensiar xidmətin tibb bölmələrində hərbi qulluqçuların xidmət keçməsi qaydalarını və onların fəaliyyət göstərdiyi müəssisələri əhatə edir.

Layihəyə əsasən, tibb xidmətinin hərbi qulluqçuları penitensiar xidmətin müalicə müəssisələrinin tibb xidmətlərində, penitensiar müəssisələrin tibb-sanitar hissələrində, həmçinin müəssisələrin mühafizəsi və saxlanılan şəxslərin müşayiəti üçün yaradılmış xüsusi bölmələrdə fəaliyyət göstərən tibb-sanitar hissələrində xidmət keçəcəklər.

Sənəddə tibb xidmətinin hərbi qulluqçularının xidmət keçmə qaydalarının “Hərbi vəzifə və hərbi xidmət haqqında”, “Hərbi qulluqçuların statusu haqqında” qanunlar, “Hərbi xidmətkeçmə haqqında” Əsasnamə, Azərbaycan Respublikası Silahlı Qüvvələrinin İntizam Nizamnaməsi və digər normativ hüquqi aktlarla tənzimlənməsi nəzərdə tutulur.

Dəyişikliklər, həmçinin ədliyyə orqanlarında xidmətlə bağlı bəzi müddəaların əhatə dairəsinin genişləndirilməsini və qanunvericilikdə dəqiqləşdirmələrin aparılmasını nəzərdə tutur. Belə ki, müvafiq maddələrdə hərbi qulluqçuların hüquqi statusunun nəzərə alınması, eləcə də məhkəmə ekspertizası idarəsinin qanunun əhatə etdiyi qurumlar sırasında göstərilməsi təklif olunur.

Qanun layihəsi birinci oxunuşda qəbul edilib.