Avrasiya İqtisadi İttifaqına (Aİİ) üzv olan ölkələrin bankları nağd Rusiya rublu ilə bağlı əməliyyat şərtlərini sərtləşdirməyə başlayıb.
Çağdaş.Az xəbər verir ki, Belarusda azı səkkiz bank qeyri-rezidentlərin hesablarına nağd rubl yatırılması üçün 2%-dən 5%-ə qədər komissiya tətbiq edib. Qazaxıstanda “Bank CenterCredit” 5%-lik komissiya müəyyənləşdirib, Qırğızıstanda da bənzər addımlar atan banklar var.
Ermənistanda isə bəzi banklar daha radikal qərar qəbul edərək, nağd rublla bütün əməliyyatları, o cümlədən hesabların doldurulmasını tamamilə dayandırıb. Qeyd edək ki, məhdudiyyətlər yalnız nağd vəsaitlərə aiddir; nağdsız köçürmələr və rublla digər bank əməliyyatları əvvəlki qaydada davam edir./Nocomment.az/
